準備一個稍大而有蓋的鑊(我的是 26cm),中火落 20克食油(即 2湯匙),燒 1分鐘左右,
放入爆谷粒,用鑊鏟拌勻,隨後蓋好鑊蓋,等待爆谷粒爆開。
保持中火,期間每 20秒連蓋搖勻一次,確保均勻且底部不會烘燶,直至聽不到爆的聲音,熄火,靜止幾十秒確保爆谷粒不會飛彈出來。隨後倒出攤開備用,喜歡原味的就已經完成,撒點鹽亦可。(我邊影邊吃,微暖而鬆化的原味爆谷好好吃!)
製作焦糖漿
(我直接用同一個鑊,稍為冷卻後用廚房紙抹乾淨就可以。)
鑊內加入砂糖及水搖平,中火將糖煮溶,期間不要攪拌,可以輕力轉動,一直加熱至砂糖轉成啡黃色轉小火,加入牛油快手用鑊鏟拌勻,焦糖漿會轉為淡啡色後煮 1分鐘熄火。
**變色後要特別留意,因為焦糖非常容易煮燶,發現太燶要立即離火,一但煮燶就要由頭煮過。